UM MIG
Kristjana Jenný Ingvarsdóttir
Ég er Kristjana Jenný og stend á bakvið heimasíðuna sem er kennd við mig, ekki svo að skilja að ég hafi ekki hugsað um frumlegra nafn en mér fannst tilvalið að nýta þetta ágæta nafn í heimasíðugerð sem getur sameinað allt sem ég stend fyrir.
Ég er fædd árið 1974, móðir, stjúpmóðir og eiginkona.
Sama á hvaða sviði það er, þá er það einlægur ásetningur minn að stuðla að vellíðan.
Meirihluta starfsævi minnar starfaði ég við útstillingar í verslunum og á heimilum ásamt því að vinna með blóm og blómaskreytingar.
Ég útskrifaðist sem útstillingahönnuður frá Merkantilt Institutt í Oslo árið 2003 og blómaskreytir frá Floristen árið 1999. Sem útstillingahönnuður hef ég unnið í ýmiskonar verkefnum , bæði í verslunum og inni á heimilum. Hvert verkefni er einstakt en í hverskyns verkefna vinnu finnst mér ávallt spennandi að sjá hversu langt ég kemst með það sem ég hef í höndunum hverju sinni. Ég brenn fyrir endurnýtingu og hverskyns hugmyndavinnu.
Vantar þig aðstoð við að sjá möguleikana í þinni verslun, fyrirtæki eða heimili er þér velkomið að hafa samband.
Haustið 2023 tók ég U-beygju í lífinu. Ég hafði meðhöndlað hluti og vörur frá því að ég var um tvítugt en hafði alltaf langað að læra nudd. Vorið 2026 útskrifaðist ég sem heilsunuddari frá Fjölbrautaskólanum við Ármúla.
Áður hafði ég lokið NLP markþjálfa námi frá Bruen og réttindum til að kenna þerapíuna Lærðu að elska þig hjá Guðbjörgu Ósk. Einnig hef ég tekið 1. & 2. stig í REIKI og unnið töluvert með það.
Útstillingavinna, vöruhönnun og sköpun eru verkefni sem ég mun alla tíð sinna, en nú hefur nuddið bæst við og það er eitthvað sem virkilega gefur.
Kærleikskveðja
Kristjana Jenný
Það eru litlu skrefin sem koma þér á þinn áfangastað sama hvert þú vilt fara.